DÍA DO LIBRO 2018

O Día Internacional do Libro, promulgado pola Unesco, celébrase desde 1996 cada 23 de abril en máis dun centenar de países. O Día do Libro atrae a millóns de persoas de todo o mundo e é o día máis importante do ano para os lectores, libreiros e editores. O seu obxectivo é fomentar a lectura, a industria editorial e a protección intelectual por medio do dereito de autor.

Ler é un dos pilares para a adquisición e a trasmisión do coñecemento na nosa vida cotiá, pero tamén no mundo académico. Porque ler abre camiños, o día 23 de Abril, día internacional do libro, a Biblioteca Fundación Ferama quere celebralo con todos os lectores que se acheguen a visitar as súas instalacións intercambiando un libro de préstamo por un pequeno agasallo que nos axude a fomentar a lectura.

Feliz día do Libro!!