Bolsa Colexio King´s College 2008

Previa autorización  dos pais dos alumnos que se adscribiron ó programa e garantindo a selección dos menores bolseiros a través dos principios de igualdade, mérito e capacidade, en conxunción cos membros docentes do C.E.I.P. de Nogueira de Ramuín, procedeuse á selección de 6 nenas que realizaron no mes de xullo un curso de inglés en Madrid, en réximen de aloxamento e pensión completa  durante un periodo de quince días.

As seis nenas bolseiras pola Fundación Ferama foron:

• Yaiza Quintana Álvarez
• Mónica Otero Masid
• Vanesa Rodríguez Esteban
• Antía Fernández González
• Lucía Gómez Rodríguez
• Rosa Mª Ruiz Gómez

Participaron nun English Holiday Camp, é dicir, un curso donde se impartiron:

• 20 clases de inglés por semana, tanto teóricas como prácticas.
• Deportes e outras actividades recreativas e culturais, talleres de manualidades, etc.

En King´s Collage o enfoque pedagóxico é a comunicación verbal e a consolidación de estructuras coñecidas pero non dominadas.

Dentro do programa de actividades incluíronse deportes convencionais, deportes alternativos, minisaídas, talleres de creatividade e actividades de expresión. Ademais realizáronse dúas excursións, día completo en Aquópolis e día completo en Warner Bros Park.

As actividades cos monitores teñen obxectivos educativos como desenvolver o traballo en grupo, fomentar a reciclaxe,etc.

Con este programa de bolsas Fundación Ferama espera contribuír á formación educativa do menor facilitándolle chegar a recursos educativos de difícil acceso individual tanto polo seu custo económico como pola dificultade xeográfica para o acceso ós mesmos.